ရင်ဘတ်ထဲက အနုပညာ

နှလုံးသားဖြင့်ရေးဆွဲသည်

ကျွန်တော့်ကဗျာများ

  

စိတ်ပျော်လမ်း

ကြွေလွင့်ခဲ့ရင်တောင် လေမှာဝဲနေဦးမယ်

မြေခခဲ့ရင်တောင် အညှောင့်ပေါက်ရှင်သန်ဦးမယ်

ငွေ့ပျံခဲ့ရင်တောင် တိမ်တွေဖြစ်တည်ဦးမယ်

ရွာချခဲ့ရင်တောင် ပင်လယ်ထဲမှာဆက်မျောဦးမယ်

ဒူးထောက်ကျနေရင်လဲ လေထဲမှာခုန်ဝဲ ရှိသမျှအားနဲ့ထ

ဂီတမပါလဲ ပျော်ပျော်ပါးပါး ဆက်ဆက်ကမယ်

ဘ၀ဆိုတာ သမုဒ္ဒရာလား ပင်လယ်လား

မြစ်လား ချောင်းလား အင်းလား အိုင်လား ရေကြီးတာလား …

သိဘူး…မသိဘူး…လုံးဝမသိဘူး…

ငါကတော့ …ငါကတော့လေ

ကန္တာရတွေထဲ ရွက်တိုင်ထူလှော်ခတ်ဦးမယ်

အပြုံးတွေနဲ့ခင်ခင်မင်မင်နေမယ်

ရယ်ရွှင်ခြင်းတွေ နဲ့ပေါင်းမယ်

စိတ်တွေကို အမြဲလျှော်မယ်

ငါကိုယ်တော် ချီတတ်ရာလမ်းက…

အိပ်မက်တွေခင်းတဲ့ အို ဘာတဲ့

ပန်းတိုင်ရှိရာ စိတ် အပျော်လမ်း။

 

ချစ်သော…အတ္တ၀တီ…

ထပ်တူကျခဲ့သော နေ့စွဲအလွဲများ

ရင်ဘတ်အမှန်တရားတွေ အသံကုန်ဟစ်မှားခဲ့သည်

တရွေ့ရွေစုန်ဆင်းသလား တလွှားလွှားဆန်တတ်သလား

အနံ့တွေမသိလိုက်ဘူး အမြင်တွေမကွဲခဲ့ဘူး

သို့ပေမယ့်…

ဒဏ်ရာတွေ အပြန်လမ်းမှာချန်ထားတတ်ကြသည်

သဘာဝထဲမှာ အချစ်လွန်ခဲ့လျှင်

အချစ်ထဲမှာလဲ သဘာဝက လွန်သွားမည်လား

မသိ…

သို့ပေမယ့် ဒီရင်ဘတ်က ရိုးသားခြင်းတွေ နယ်ကျွန်ခဲ့သည်

မီးမုန်တိုင်းတွေရဲ့အစက လှပသလို လင်းလင်းလတ်လတ်

တစ်ဖျတ်ဖျတ် အကြည့်တွေ အလွတ်ရခဲ့သည်

အဲဒီနောက်… ရင်ဘတ်တွေ အပူလောင်ရမှာကိုတော့မသိခဲ့

အချိန်တွေ လမ်းလျှောက်ထွက်တိုင်း သူ့ကို ကျွန်တော်လွမ်းသည်

သူပြောသော အဲဒီနေ့တွေကို ပြန်ခေါ်ကြည့်ချင်ရင်တော့

ရင်ဘတ်ထဲ လေပိုဝင်လိမ့်မည်

ခံစားချက်တွေ စီချယ်ထားတဲ့ မျက်ရည်တစ်ပေါက်(အနည်းဆုံး)လောက်တော့

ရင်းခဲ့ရသည်

လွမ်းတတ်ခဲ့သည် ကြည့်နူးတတ်ခဲ့သည် ချစ်တတ်ခဲ့သည်

ချစ်သော…အတ္တ၀တီ…

Aixh—271020113:06pm

 

အထင်အမြင်နှင့်အယူအဆ

 ဆောင်းဆန်ဆန်ဘ၀ကိုတွေးကြည့်တယ်

 တစ်ပြီးနှစ်လာရင်တော့ ဘ၀က သမရိုးကျပဲ

 တစ်ပြီးတစ်ဆယ်ပြီးတစ်ရာပြီးတစ်ထောင်ပြီးတစ်သောင်း…

 ဒါဆို ရည်ရွယ်ချက်တွေက အင်အားကြီးသွားပြီ

 လောကအကြောင်းကို အလုံးစုံမသိဘူး

 ဒါပေမယ့် အမြင်ကြည်အောင်ထားတတ်ဖို့လိုလိမ့်မယ်

 ဘ၀ရဲ့ဖြတ်လမ်း… ရှိတော့ရှိလိမ့်မယ်

 ဖြတ်မှ လန်းမယ်ဆိုရင်တော့…

 နည်းနည်းသတိထားလုပ်မှ ဘ၀ရာသီတွေသာယာမယ်

 မဟုတ်မဟတ်တွေကြောင့် ဘ၀တွေခါးသွားရင်

 အထုမခံရပဲ မိဘတွေအတွက် ရင်ဘတ်တွေနာသွားကြရလိမ့်မယ်

 ဒါပေမယ့် ခုခတ်ကြီးက

 အမှန်တရားကနေ အမှားတစ်ရံဖြစ်လိုဖြစ်

 အမှားတစ်ရံကနေ အမှန်တရားဖြစ်လိုဖြစ်ဆိုတော့

 စကားလုံးတွေစီဖို့ ခက်ခက်ခက်

 အမှတ်တရတွေအဖို့တော့ အမှားတစ်ရက်မဖြစ်စေချင်

 အချစ်ကို အချစ်လို့ပဲ သဘောထားပြီး

 ထောင့်မှန်စတုဂံပုံစက္ကူ(လူတွေအခေါ်င၀ိုင်း)နဲ့တော့

 မတိုင်းတာကြဖို့တိုက်တွန်းကြည့်ချင်တယ်

 ဒါတွေပြောလိုက်တော့ ငါက လူတတ်ကြီးလား

 သူလိုငါလို လက်တူပါပဲ

 စိတ်ကူးနဲ့ကြေးစားဆန်ဆန်လူသတ်ကြည့်တယ်

 လူတွေရဲ့ပါးစပ်ဖျားမှာ ကိုယ်ကိုယ်တိုင်သေသွားမှာက တကယ်

 ဗုဒ္ဓဘာသာအရ အပါယ်လဲသွားမယ်

 နောင်ဖြစ်လာမယ့်အနာဂါတ်ကိုလဲ ပါဝါတတ်ကြည့်ရမယ်

 မကောင်းဘူး လုံးဝမကောင်းဘူး

 ဒါဆိုဘာလို့ လူသတ်ကြတာလဲ

 ကိုယ်နဲ့မဆိုင်ဘူး

 တစ်ထိုင်တည်းနဲ့အဆုံးအဖြတ်က မရေရာတဲ့ဘာသာစကား

 စိတ်တွေဖျားပါများရင် နောင်လာမယ့်ရက်အတွက်သတင်းဆိုးတွေပါပဲ

 ကဲ…ခုတော့ ကဗျာလိုလိုဘာလိုလိုဒီစာသားတွေ

 ဒီမှာတင် နောက်တစ်ခန်းရပ်တယ်

                             နေသွေးတိုက်-88

 

        မပျံနိုင်တဲ့ငှက်

        ချို(ဂျို)မပါတဲ့နွား

        မဟောင်တတ်တဲ့ခွေး

        ကြွက်မခုတ်တတ်တဲ့ကြောင်

        သူမအချစ်ကိုမရတဲ့ကျွန်တော်

        အနုပညာမခံစားတတ်တဲ့လူ

        မရွာဖြစ်လိုက်တဲ့မိုးတိမ်

        အသံမမြည်တဲ့ကြွေ

        အဆိပ်မရှိတဲ့မြွေ

        မစီးရတဲ့ရေ

 

ဖြစ်သမျှအကြောင်း

 မနေ့ကနဲ့ဒီနေ့ နောက်ပြီး မနက်ဖြန်

 သိပ်မကွာဘူး ဝေဖန်သံတွေပဲ မျက်ဝန်းတွေထဲက ထွက်ကျတယ်

 ငါ့ဟာငါ အိပ်ချင်အိပ်မယ် ထချင်ထမယ်

 မဆီမဆိုင်ဇာတ်ကားထဲက စကားလုံးတွေက ငါ့ကို လာမှန်တယ်

 မှန်တယ် နောက်ပြီးမှားတယ်

 ဟာ…အဲဒါတွေကြောင့်ပဲ စိတ်တွေဖျားတယ်

 ဟုတ်တယ် မဟုတ်ဘူး

 ငါဟာငါ ရူးတာ ချူးတစ်ပြားမှမကုန်ဘူး

 ကုန်တယ် မကုန်ဘူး

 လမ်းလျှောက်ရင်း မဆုံချင်တဲ့သူနဲ့ ဆုံတယ်

 ယုံတယ် မယုံဘူး

 သူပဲအမျိုးမျိုး တတ်ကိုတတ်တယ်

 ချက်တယ် မချက်ဘူး

 အဲဒီဟင်းမပါရင် စားမမြိန်ဖြစ်ပြန်တယ်

 ပြန်မယ် မပြန်ဘူး

 ပြောပြီး သူပဲ အရင်ထသွားနှင့်တယ်

 ချင့်ချိန်တယ် မချင့်ချိန်ဘူး

 ကုန်လိုက်တဲ့ ပိုက်ဆံအသုံးမခံဘူးပြောတယ်

 ပြောတယ် မပြောဘူး

 စကားနည်း(နဲ)တာကိုပဲ မာနကြီးသူဖြစ်ရတယ်

 ရတယ် မရဘူး

 အင်တာဗျူးဖြေတာ တလွဲတွေပဲဖြေလိုက်မိတယ်

 မိတယ် မမိဘူး

 ထောင်ခြောက်ကို လူခိုးဖြုတ်သွားတယ်

 သွားမယ် မသွားဘူး

 အဲဒါနဲ့ ငါနောက်ကျဖြစ်တယ်

 ချစ်တယ် မချစ်ဘူး

 ခေါင်းညှိတ်ပြီးမှ ခေါင်းရမ်းပြတယ်

 ချမ်းတယ် မချမ်းဘူး

 ရန်ကုန်ဆောင်းတွင်းက လမ်းလျှောက်ကောင်းတယ်

 ဟောင်းတယ် မဟောင်းဘူး

 ဟာ…ရှုပ်နေတာပဲ…

 ငါဘာတွေရေးနေတာလဲ

 မသိဘူး ဖုန်းကပျက်နေတယ်

 မနက်နဲ့နေ့လည် နောက်ပြီး ညနေ

 ဘယ်ဟာမှ အဖက်မလုပ်ချင်ဘူး

 ခြေလှမ်းတွေကပဲ ငါ့စိတ်တွေကိုလိုက်လျောတယ်

 

တစ်နေ့တာဆိုပေမယ့်….

 ဆုံဆည်းခြင်းတွေ အငွေ့ပျံဖို့

 နာရီလက်တံယောင်ဆောင်ထားတဲ့ နတ်ဆိုးတွေက

 တို့နှစ်ယောက်ရဲ့ဘေးမှာ

 သွေးအေးအေးနဲ့ ခရီးဆက်နေလေရဲ့။

 ဝေးကွာခြင်းတွေ မွေးဖွားလာဖို့

 နေမင်းယောင်ဆောင်ထားတဲ့

 ခပ်ဆိုးဆိုးဒီငနဲကြီးက(ချစ်သူတွေကြားကတစ်ခဏ)

 အနောက်ဘက် မိုးကုတ်စက်ဝိုင်းဆီကို

 ဆင်းသက်သွားပြီမို့

 ချစ်သူ့မျက်ဝန်းထဲမှာတော့

 လွမ်းခြင်းတွေ ငွေ့ရည်ဖွဲ့နေပြီ။

 အဆုံးမသတ်လိုက်နဲ့လို့ပြောလိုက်ပေမယ့်

 ထိုငနဲကြီးအိပ်စက်သွားပြီမို့…

 ငါတို့နှစ်ယောက် ….

 ခပ်ကြောက်ကြောက်နဲ့ပဲ နားထောင်မိတယ်…

 ဟုတ်ပါရဲ့……….

 ခွဲခွါဖို့ ကျရောက်လာတဲ့ စက္ကန့်သံတစ်ချက်က

 ငါ့နှလုံးသားလေး လုံးဝငြိမ်သက်သွားမတတ်…

 

 

သော်သာ

ငါ့ရင်ကို အဆိပ်ခပ်ပြီး

အတိတ်နေ့ရက်တွေကို ဘေးဖယ်

ဆိတ်ဆိတ်လေးထွက်ခွာ

မင်းရွေးချယ်ရာ

မင်းဘ၀

ထာဝရ ပျော်ရွှင်ပါစေ

သော်သာ။

ကြယ်ရောင်တွေ

မလင်းလတ်တဲ့

ငါ့ဘ၀ ကောင်းကင်ထဲမှာ

မင်း…မနေပျော်တာ

နည်းလမ်းကျပေမယ့်

ငါ့…အနာဂါတ်တွေ

ေ၀၀ါခဲ့ပါပြီ

သော်သာ။

မင်းဝမ်းနည်းတဲ့

နေ့ရက်တွေမှာ

နှစ်သိမ့်ပေးရုံကလွဲလို့

အရာရာကျဲပါးလွန်းတဲ့

ငါ့ဘ၀

မင်းလိုအပ်သမျှကို

ဖြည့်ဆည်းမပေးနိုင်ခဲ့ပါဘူး

သော်သာ။

တရံတခါမှသာ

မင်းကို ပျော်ရွှင်စေနိုင်တဲ့ငါ

တကယ်တော့လည်း

ငါဟာ…

မင်းအတွက်

မထိုက်တန်သူပါ

သော်သာ။

                    နေသွေးတိုက်

 

မောင်နဲ့မ

 

မောင်နဲ့မ

အာဒံ၊ ဧ၀တို့လို

အချစ်စတင်သူတွေဖြစ်ချင်တယ်။

မောင်နဲ့မ

အလှနဲ့ အပလို

ပြည့်စုံတဲ့စာတန်းလေးဖြစ်ချင်တယ်။

မောင်နဲ့မ

“ဘ”နဲ့“၀”ပေါင်းသလို

တစ်ဘ၀တည်းဖြစ်ချင်တယ်။

မောင်က “ခြူ”လေးပါ မရယ်။

မ က သစ်(သစ်သား)လေးဖြစ်လိုက်ပါ။

မောင်နဲ့မ

ပေါင်းလိုက်ကြမယ်။

ခြူ+သစ် ပေါ့။

ချစ်သူတွေပေါ့နော်။

                နေသွေးတိုက်

 

           အတွေးထဲက အိမ်

မင်းရဲ့ အမုန်းဒေါသတွေကြောင့်

ဒဏ်ရာရထားတဲ့ ငှက်တစ်ကောင်

ပျံသန်းရသလို

ငါ့…မျှော်လင့်ခြင်းတွေ

ခရီးမရောက်တော့ဘူး ချစ်သူ။

ဆုံးရှုံးရပြီလို့

သိလိုက်ရတဲ့နေ့ဟာ

ချစ်ခြင်းတွေ

ဖျက်ခနဲ လန့်ကွဲသွားတဲ့

ငါ့နှလုံးသား

သင်္ကျိုပွဲလေးပေါ့။

မျက်ရည်တို့

လိုက်ပါပို့ဆောင်တဲ့

အဲဒီသင်္ကျိုပွဲလေးက

ငါ့စိတ်ကူးအတွေးထဲက

“အိမ်”လေးကို

ဖြိုဖျက်ပစ်လိုက်တဲ့

ကြေကွဲခြင်းနေ့ပါ။

နောက်ဆုံးတော့လဲ

ငါ့ဘ၀ဟာ

အထီးကျန်ခြင်း

အဆိပ်ရည်တွေ

ဟိုတစ်ကွက်ဒီတစ်ကွက်

တင်ကျန်ခဲ့ရပြီပေါ့။

                နေသွေးတိုက်

 

              

  မင်းသဘောအတိုင်း      

ချစ်သူ...                                        

မင်းပျော်ရွှင်ဖို့                                                          

တော်ဝင်မဆန်တဲ့                                                     

ကိုယ်ရင်ခွင်က                                                         

ဟာသတစ်ပုဒ်   

ဖြစ်ချင်ဖြစ်ပါစေ       

ကိုယ်...                                                                   

ကျေကျေနပ်နပ်   

ပြက်လုံးထုတ်ပြပါ့မယ်။                                                             

ချစ်သူ...                                                                  

မင်းကျေနပ်စေဖို့                                                       

ချွန်ထက်ခဲ့တဲ့                                                           

ငါ့မာနက                                                                  

ခြေသုတ်ခုံ                                                                               

ဖြစ်ချင်ဖြစ်ပါစေ                      

ကိုယ်...                                                                 

ကျေကျေနပ်နပ်                                                      

ဒူးထောက်ပါ့မယ်။

ချစ်သူ...                                                                 

မင်းဘ၀လှပစေဖို့                                                     

ဘာမဟုတ်တဲ့                                                           

ကိုယ့်ဘ၀က                                                                             

မင်းအတွက်

အမှိုက်တစ်စ

ဖြစ်ချင်ဖြစ်ပါစေ

ကိုယ်...

ကျေကျေနပ်နပ်

ဖြည့်ဆည်းပြပါ့မယ်။

ချစ်သူရယ်...

တကယ်ပါ

မင်းဘာလုပ်မလဲ....

ကျေနပ်တယ်ဆို

ဒီကောင့်ကို

အသည်းခွဲခဲ့(နောက်ဆုံး)

ကွဲပါ့မယ်။

                နေသွေးတိုက်

 

 

 

                                                                                 အတိတ်               

                                                                       အတူထိုင်ခဲ့ကြတဲ့

                                                         ကော်ဖီဆိုင်လေးကိုမြင်ရတော့

                                                          ငါ့ရင်မှာခါးသက်သွားပေမယ့်

                                                              ၀ိုးတ၀ါးအပြုံးတစ်ချက်က

                                                                            ငါ့မျက်ဝန်းကို

                                                                                             

                                                      အတိတ်ဆီခေါ်ဆောင်သွားတယ်။

                                                                    လွမ်းလိုက်တာကွယ်။

                                                                မဆိုင်တော့တဲ့ချစ်သူကို

                                                                       လျစ်လျူမရှုနိုင်ဘဲ

                                                                      အပြစ်မယူတတ်တဲ့

                                                                    ဟောဒီငါ့ရင်ဘတ်က

                                                                     ဒဏ်ရာရပါစေဆိုပြီး

                                                                     ဆက်ချစ်ဦးမယ်တဲ့။

                                                              

                                                  ကဲ...ဘယ်လောက်ရူးလိုက်တဲ့ ငါလဲ။

ခွဲထားခဲ့သူက ထားခဲ့ပြီပဲ

                                                   ဘာလို့ဒီလောက်စွဲလမ်းနေလဲဆိုပြီး 

         ငါ့ကိုယ်ငါ ဆုံးမကြည့်ပေမယ့်

    ဒီကောင် လူဆိုးက

                                                                         မနာခံဘူးကွယ်။

                                                                             ခက်တယ်...

                                                                            မင်းတော့...

                                                                  ကြာရင်...ပိုခက်မယ်။

                                                                                          

                                                               နေသွေးတိုက်

       

                                     

                                                      

 

 

မသေချာသော သေချာမှု

လရောင်က ငါ့ရင်ထဲကို

ထိုးကျလာတော့

ငါ့နှလုံးသားကို

ငါ…ငုံ့ကြည့်မိလိုက်တာ…

အား…ပါး….

ငါ ထင်မှတ်မထားတဲ့

မင်းနာမည်လေးကို

ငါ့ရင်ဘတ်ထဲမှာ

ငါ ဘယ်တုန်းက

ရေးခဲ့မိပါလိမ့်။

ပန်းရနံ့တွေ ငါ့နှာခေါင်းဝမှာ

မွှေးပျံ့လာတော့

ငါ့အာရုံကို

အလုပ်ပေးမိလိုက်တာ

အား…ပါး…

ငါ ထင်မှတ်မထားတဲ့

ကိုယ်သင်းရနံ့လေးကို

ငါ့မသိစိတ်ထဲမှာ

ငါ ဘယ်တုန်းက

သိမ်းခဲ့မိပါလိမ့်။

အိပ်ရာထက်မှာလူးလိမ့်ရင်း ငါ့မျက်ဝန်းကို

မှိတ်လိုက်မိတော့

ငါ့စိတ်ကူးကို

လွှတ်ကြည့်လိုက်တာ

အား…ပါး…

ငါ ထင်မှတ်မထားတဲ့

မင်းပုံရိပ်တွေကို

ငါ့မျက်ဝန်းထဲမှာ

ငါ ဘယ်တုန်းက

ဆွဲခဲ့မိပါလိမ့်။

ဘာရယ်မဟုတ် ချစ်သူတွေကို

မြင်လိုက်ရတော့

ငါ့ရင်ဘတ်ကို

ငါ စမ်းကြည့်မိလိုက်တာ

အား…ပါး…

ငါထင်မှတ်မထားတဲ့

မင်းလေးကို

ငါ…ဘယ်အချိန်က

ချစ်မိသွားပါလိမ့်။

 

 

aEGaeYvnf

       'Pf&mawG tvJtuGJeJY

       avQmufvSrf;&if;

       ighb0u

       aEGaeYvnfawGom ydkifqdkifvm&w,f/

       uHMur®mtvSnfhtajymif;u

       udk,fa&mifazsmuf 0ifvmvdkufwm

       ighb0

       csmcsmvnfoGm;w,f/

       bmawG b,fvdkjzpfukefNyDvJ awG;Munfh&if;

       ighudk,fig

       jyefar;vdkufrdwm

       ightcspfu

       enf;vrf;rSefcJh&JUvm;/

       tysufysufeJY

       ESvHk;aoG;awGxGufaecJhwm

       tarSmifvrf;udk(tvif;vdkYxifcJhwJh)

       avQmufaewJhig...

       bmudkrS rjrifcJhbl;aygh/

       'gaMumifh xif&JU

       uHMur®m&JUtjypf'PfeJU

       igydkifqdkifvm&wm

       aEGaeYvnfawGom...

                နေသွေးတိုက်

 

Simple Countdown

Google+ Web Search

Recent Videos

183 views - 0 comments
384 views - 0 comments
361 views - 0 comments

Upcoming Events

No upcoming events

how is my site?

Weather